Plattdüütsch Goddesdeenst in Bredstedt

 

(psch) De Karkengemeende Bredstedt laadt hartli in to en Plattdüütsch Goddesdeenst an'n Sünndag, 9. Mai. In de Merrn vun de Goddesdeenst steiht dat Beden. Paster Peter Schuchardt överleggt mit de Gemeende, wat denn överhaupt en Gebeed is un wat dat döggt. Un he fraagt, ob de Minschen nich veel to wenig beden doot. De Goddesdeenst in de St. Nikolai Kark fangt  Klock 10 an. Andy Buch, de Bredstedter Organist, sorgt för de Musik.He warrt mit Paster Schuchardt un  Hannes Hahn ok de Leeder op Platt singen.

 

 

(psch) De Karkendag findt nich statt? Doch - digital! Un "Plattdüütsch in de Kark" maakt mit. Wi fiert uns eerste "Zoom-Gottesdeenst!“ Ünner dat Karkendagsmotto "Kiek hen" ut Markus 6,38 wöllt wi Sünnavend, den 15. Mai, üm Klock söss de Avend (18.00) över de Bildschirms tosamenkomen un mitenanner Gott löven, to em beden un vun em hören.
Jem sünd vun Harten inlaadt, dorbi to ween! Schickt eenfach een Mail mit jemme Anmellen an  Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein!. Imke Schwarz schickt jem denn de Link, mit de jem in dat Zoom-Drepen rin kamen köönt. Jem köönt sik an´n 15. Mai al vun Klock 17.30 an "inloggen", denn hebbt wi Tiet, üm technische Probleme to lösen un ´n beten to snacken. De Goddesdeenst gestalten Paster i.R. Traugott Wrede und Pastorin Imke Schwarz (Neddersassen), Diakon Heinrich Siefert , Pastorin Ute Eisenach (Brandenburg) un Paster Peter Schuchardt (Sleswig-Holsteen). Wi freit uns bannig, wenn jem mitfiern doot- Gott priesen un in´n Gloven tosamen ween, dat geiht ok digital!

 

 

Bookoevergeven in Ollerup

 

Ingwer Oldsen: Grote Besöök bi de evangelische Kinnergoorn. Wichtige Lüüd ut Ollerup un um to weern kamen, all mit Afstand un Mask för`t Gesicht so as dat hüüt mutt. Leiterin Kirsten Thomsen-Kirsch un Gesa Retzlaff vun dat Plattdüütsche Zentrum in Leck freuen sik: en Plattdüütsche Kinnerbook warrd präsenteert ‚Arlewatt un Ollerup‘. De Autoren Elisabeth Hagopian un J. Alexander Schmidt hebben stolt en signeerte Plakaat mitbröcht un vertellen, dat Fernsehen weer ok al dor, bi se bi’t Huus. Plattdüütsche Wichtels as Stars in’t SH-Magazin.