Aktuelles
(Sleswig-Holsteensche Heimatbund) An’n Sünnavend, 30. April hett de nedderdüütsche Sprekergrupp in Sleswig-Holsteen en niegen Plattdüütschen Raat kregen. Bi en Wahlveranstalten in Rendsborg hebbt Lüüd ut dat ganze Land söven vun ölven Kandidatinnen un Kandidaten ehr Stimm geven.
In den Raat sitt nu vun 2022-2026: (ab 2.v.l.) Ingrid Bindzus (Lauenborg), Klaus Jensen (Pellworm), Jan Graf (Pussaad), Christel Fries (Eckernföör), Dirk Söhren (Kiel), Marianne Ehlers (Welt) un Kirsten Voß (Kiel). Mit op dat Bild to sehn sünd Peter Stoltenberg as Präsident vun de SHHB (ganz links) un rechts in't Bild Christiane Ehlers, Nedderdüütschsekretariat un Johannes Callsen, Beopdragte för Minnerheiten in Sleswig-Holsteen.
(PM Sleswig-Holsteensche Heimatbund) Arne Nottelmann vun de Grundschool in Wacken, Wencke Reimer vun de Geestlandschool in Kropp un, bi de Öllsten kamen twee Leser:innen wieder, Lina Ingwersen vun de Theodor-Storm-School Husum kunnen de Regionalentscheed vun „Schölers leest Platt“ för sik entscheden.
Tosamen söven Kinner ut de Öllersgruppen 3./4. un 8.-10. Klass hebben sik vun en Fachjury in de Disziplinen Lesen könen, Utspraak un Utdruck bewerten laten. Jonna Hansen un Lina Ingwersen kemen op de 2. un Elly Harbeck, Jule Andresen un Lisa Lund op de 3. Plätze.
(Heike Thode-Scheel) Drift steiht för „Eifer, Tatkraft, Leidenschaft“. Wi Plattdüütschen würrn seggen: Hest du Drift, bist du Füer un Flamm för jichtenswat, denn büst du iewerig bi de Saak. Jüst so weer dat ok bi dat platt drift barcamp in de Nordseeakademie in Leck an de 9. April 2022. Barcamp? Wat is dat för en viegellienschen Kraam?
Dat Plattdüütsch-Zentrum büdd vun 24. bet 26. Juni 2022 en Kurs för dat Ut- un Wiederbillen vun Kursleiters an, de wussen Lüüd ünnerichten wüllt. Över twee Daag (geiht Friedagavend los) dreiht sik dat um dat Vermitteln vun de plattdüütsceh Spraak un wodennig man dor in Kursen to Platt lehren bigahn kann. Mehr Informatschonen gifft dat hier (op dat dick schreven Woort "hier" klicken).
Plattdüütsch in'n Alldag un bi de Arbeit
För Minschen, de bi jemehr Arbeit veel mit Lüüd to doon hebben un all Lüüd, de sik för de plattdüütsche Spraak interesseren, beden wi tosamen mit de Nordsee Akademie en Bildungsurlaub an. He richt sik an Spraakanfängers, de t. B. in jemehr Kinnertiet Kontakt mit de plattdüütsche Spraak harrn, ehr aver nienich richtig lehren kunnen. Se möten de Spraak nich snacken, aver so temlich wat verstahn könen.
För düsse Veranstalten löppt in Sleswig-Holsteen de Andrag för dat Anreken as Bildungurlaub, för anner Länner op Anfraag. Mehr to weten över dat Programm, den Dozenten un de Nordsee Akademie finnen Se op düssen Fleger.