Vundaag – Morgen – Övermorgen

 

Motiv Schreibwerkstatt

 

Vele Schrieverslüüd hebben siet mehr as 30 Johr in de Schrievwarksteden vun de Sleswig-Holsteensche Heimatbund dat nödige Handwarkstüüg för dat Schrieven vun plattdüütsche Texte kregen. Nu geiht dat an dat letzte Wuchenenn in de Februar 2022 wieder mit en niege Dörgang, dütmal för kreative Schrieven. 

Texte inlangen bet 28. Februar 2022

opdatleven100 v fullhd

„Op dat Leven!“ is vunjohr dat Thema vun de plattdüütsche Schrievwettstriet „Vertell doch mal“ vun de NDR, Radio Bremen un dat Hamborger Ohnsorg-Theater. Un de geiht nu los! 

Siet twee Johr regeert de Corona-Pandemie unse Alldag. Wat kann een dor beter seggen as „Un nu jüst!“ un dat Leven fiern?! Schrieverslüüd könen bi düt Thema vun „Vertell doch mal“ 2022 in Kortgeschichten jemehr Fantasie wedder frie lopen laten. 

„Op dat Leven!“ - en Motto, för dat ok de norddüütsche Band SANTIANO steiht, un de dorför bannig geern Bottbringer för de 34. Plattdüütsche Schrievwettstriet is.

Buehnenkampf 2021 HP

 

För Lüüd, de sik för dat Theaterspelen interesseren, finndt in de Reeg "Plattdüütsch op den Scheersbarg" na de grote Erfolg in't letzte Johr nu de nächste "Plattdüütsche Theaterakademie" statt. Vun de 1.-3. April 2022 schall dat losgahn. Dacht is de Kurs för Minschen af 11 Johr. För de gifft dat en Utwahl an Theatertechniken to utproberen un Gelegenheit in de plattdüütsche Spraak rintosnuppern. Nieg dortokamen is en Anbott för Lüüd, de Theatergruppen leiden oder dat vörhebben. Mehr Infos un allens, wat man för dat Anmellen bruukt, stahn op de Homepage vun de Scheersbarg.

 

Plattdüütsch in'n Alldag un bi de Arbeit

Wattlopen

 

För Minschen, de bi jemehr Arbeit veel mit Lüüd to doon hebben un all Lüüd, de sik för de plattdüütsche Spraak interesseren, beden wi tosamen mit de Nordsee Akademie en Bildungsurlaub an. He richt sik an Spraakanfängers, de t. B. in jemehr Kinnertiet Kontakt mit de plattdüütsche Spraak harrn, ehr  aver nienich richtig lehren kunnen. Se möten de Spraak nich snacken, aver so temlich wat verstahn könen.

 

För düsse Veranstalten löppt in Sleswig-Holsteen de Andrag för dat Anreken as Bildungurlaub, för anner Länner op Anfraag. Mehr to weten över dat Programm, den Dozenten un de Nordsee Akademie finnen Se op düssen Fleger

2.2 zfn coming soon

 

Een vun unse gröttsten Projekte vunjohr is dat Opsetten vun en niege Internetsiet. Achter en virtuelle Vörhang warrt op Hoochtouren plaant, textet un utprobeert. Wi freuen uns al bannig dor op, wenn wi de frische Optritt vun dat Plattdüütsch-Zentrum un sien Fördervereen mit niege Bidrääg op un över Platt, vun Land un Lüüd un vun Mackers un Makers wiesen könen!