Bookoevergeven in Ollerup

 

Ingwer Oldsen: Grote Besöök bi de evangelische Kinnergoorn. Wichtige Lüüd ut Ollerup un um to weern kamen, all mit Afstand un Mask för`t Gesicht so as dat hüüt mutt. Leiterin Kirsten Thomsen-Kirsch un Gesa Retzlaff vun dat Plattdüütsche Zentrum in Leck freuen sik: en Plattdüütsche Kinnerbook warrd präsenteert ‚Arlewatt un Ollerup‘. De Autoren Elisabeth Hagopian un J. Alexander Schmidt hebben stolt en signeerte Plakaat mitbröcht un vertellen, dat Fernsehen weer ok al dor, bi se bi’t Huus. Plattdüütsche Wichtels as Stars in’t SH-Magazin.

 

 

Filmprojektreeg helpt Kita-Kinner dör de Lockdown

 

Boeoerni Klappe

 

Wat bruken Familien in kontaktbeschränkte Tieden? Frische Luft! Veerteihn Daag lang seeg man in Viöl (Kreis Noordfreesland) flietig Familien vun de Kinnergoorn ut op Snitzeljagd gahn. Böörni, dat plattdüütsche Schaap ut de Kinnergoorn, weer to Sööks. Mit lütte Plastikbuddeln weer en Spoor in’t Dörp utleggt. In jede Buddel weer en Foto vun de Steed binnen, an de dat de neegste Henwies geev. Inlaadt worr to dat gemeensame Anbott vun Kinnergoorn un Familienzentrum mit en Film ut de Reeg „Böörni op Tour“.

 

För en plattdüütsch Radio.

 

Funklock

 

Spreker vun "lesser used languages" in uns Naverlänner warrt vun en egen Radiokanaal in ehr egen Spraak ünnerholen, informeert un billt. De Plattdüütschen in Düütschland nich. Op düt Lock wiest nu Jan Graf vun de Sleswig-Holsteensche Heimatbund tohopen mit anner Heimatbünn un plattdüütsche Rööt mit düt kort Youtube-Video hen. 

 

Landssieger vun „Schölers leest Platt“

kamen ut Golbek, Groot-Rheid un Fohrdörp 

 

    Bild Bosse zugeschnitten Wencke Reimer zugeschnitten Hanna M. Rotter zugeschnitten

 

Egentlich harrn de fief Lesers ut de Landsdeel Sleswig an de 5. Dezember letztjohrs in de Wunderlino-Arena (vele Lüüd beter in de Kopp as Ostseehalle) sien schullt, um sik mit de besten Plattlesers ut dat ganze Land to meten. Över School-, Landschafts- un Regionalrunn harrn se sik bet na’t Finale leest. Statt en plaante Präsenz-Event vör wiet mehr as hunnert Tohörers in Kiel, geev dat Lockdown-bedingt ditmal Besöök tohuus. Wunnen hebben Bosse Hansen (3./4. Klass) -hier to hören in't Radio-, Wencke Reimer (5.-7. Klass) un Hanna Marlene Rotter (8.-10 Klass).

 

Snack platt mit mi luetten

 

Ok vunjohr gifft dat wedder Anbotten för plattdüütsche Fortbillen in Leck. 

För Lüüd, wat in Kitas mit de Lütten Platt snacken, singen un spelen muchen, gifft dat in de Reeg "Platt för de Lütten" dat richtige Handwarkstüüg. In fief Module gifft dat veel to weten un to'n Utproberen, worum un wodännig man mit Kinner in't Vörschoolöller bi't Plattdüütsch lehren Spaaß hebben kann. 

De Groten plegen oder lehren Plattdüütsch  veelmals in Kurse oder Klöönsnackrunnen. För Lüüd, de in düsse Runnen aktiv sünd, hebben wi dat niege Format "Platt klönen könen" torechtmaakt. An en Wuchenenn könen de Deelnehmers sik en Sammlung an Themen, över de sik in düsse Runnen goot snacken lett, op- oder utbuen.