Platt in de Pleeg

 

Fortbillens -nich blots- för Fachlüüd un Ehrenamtlers, de Opgaven in de Pleeg, as Hölper oder Betreuer övernehmen

 

Plattdüütsch kann bi dat Umgahn mit Minschen Dören opmaken, so dat een lichter en Togang to den annern finndt. Jüst för öllere Lüüd kann de Spraak hölpen sik wedder op Belevnissen to besinnen. 

Um mehr Hölpers de Mööglichkeit to geven dat Platt snacken as Slötel för dat Mitenanner to bruken, beden wi tosamen mit de Nordsee-Akademie an de 26. un 27. Oktober 2021 twee verscheden Fortbillen an, de ok as Reflexionsdaag för Betreuungskräfte anrekend warrn könen. 

 

... söss Priesdregers för kreative plattdüütsche Projekte! Preistraeger und Laudatoren Emmi 2021 breit

De Landdag, dat Ministerium för Billen, Wetenschop un Kultur un de Heimatbund in Sleswig-Holsteen ropen all twee Johr op sik för de Ehrenpries to bewarven. Afhaalt hebben de lütte gußiesern Seefru ok en Deels Priesdregers ut de nöördliche Landsdeel. So kreeg Günter Herrmann ut Harrislee ehr för sien grote Fundus an Kinnerleder un Musicals, de he as Platt-Paat an de Zentralschool schreven hett un mit jedereen för "velen Dank" deelt. Op de eerste Blick verkeken harr sik Böörni, dat plattdüütsche Schaap ut de Evangelische Kinnergoorn in Viöl, in Emmi. Mit sien Touren, wat he mit Sandra Kemper-Petersen un Tanja Krien in de Lockdown-Tieden maakt hett, hett he dat Hart vun de Jury faatkregen. Ünner de Huut gung dat Gremium de Bidrag, wat Steffen Ketelsen för de Junge Lüüd ut Löwenstedt inlangt harr, de in en Theaterprojekt as Gedankenexperiment to dat Thema Flüchten möten de Perspektive umdreiht hebben. Ok för de Wetenschop geiht en Emmi ganz in'n Noorden: Alena Hansen-Wilkens studeert an de Europauniversität in Flensborg un hett in ehr Bachelor-Arbeit ünnersöcht, wodennig Billerböker goot in'n Plattdüütsch-Ünnerricht insett warrn könen. 

 

 

Lehrbook för den Plattdüütsch-Ünnerricht mit gröttere Schölers vörstellt

Buchuebergabe SPK 2021 05

Mit „Snacken, Proten, Kören“ gifft dat en nieget Lehrbook för Schölers vun de 5. Klass an, de mit Plattdüütsch lehren anfangen. Lüüd ut mehrere Bundslänner hebben sik bedeeligt an dat Wark, dat ünner dat Leid vun't Lännerzentrum för Nedderdüütsch in Bremen rutgeven worrn is un kann nu dor, jüst so as in Hamburg, Neddersassen un Sleswig-Holsteen bruukt warrn. Sleswig-Holsteens Ministerin för Billen Karin Prien hett dat Lehrbook nu in Kiel vörstellt. „Neue Comicfiguren nehmen die Schülerinnen und Schüler an die Hand und erleben gemeinsam mit ihnen Abenteuer. Alles natürlich in Niederdeutsch und mit viel Spaß. Es ist ein Erlebnis, unsere Regionalsprache auf diese Weise zu erlernen und anzuwenden“, see Ministerin Prien. In't nördlchste Bundsland kriegen bummelig 3.000 Schölers Plattdüütsch-Ünnerricht – an 33 Modell-Grundscholen un 9 Modellscholen in de Sekundarstufe I.