An de 22. November 2019 warrn in Flensburg, in’t Kino 51 Stufen (Düütsche Huus), um Klock veer (16:00) de nomineerten Filme ut de drütte Dörgang vun unse Trailerwettstriet PLATTSPOTS wiest un prämeert. All Interesseerten sünd hartlich willkamen un inlaadt dorbi to sien! Dat kost nix un achteran gifft dat noch Gelegenheit för en Snack bi en Glas Sekt (oder Alternativen).

Beten Achtergrund:

Na 2013 un 2016 hebben dat Zentrum för Nedderdüütsch ut Leck un de Flensburger Kortfilmdaag vunjohr to‘n 3. Mal to de Plattdüütsche Trailerwettstriet opropen. Mitmaken kunnen Filmmakers, Studerende un Schölers vun överall, „die den Norden so lieben wie wir“ stunn in de Regularien. Die Filme schölen Spaaß maken un Lust op Plattsnacken.

platt hett wat

 

Fiefuntwintig Johr - fiefundtwintig Akschonen?!

 

Mit düssen Arbeitstitel sünd wi bigahn över dat Jubiläum vun't Plattdüütsch-Zentrum un unsen Fördervereen natodenken. Wi beiden stahn tosamen siet 25 Johr achter un vör de plattdüütsche Saak un för dat Fördern vun de plattdüütsche Spraak un Kultur un dat wöllt wi fiern! Rutkamen is en plattpralle Johrsprogramm för unse Mitglieder un bito en digitale plattdüütsche Veranstaltenkalenner ünner www.platt-hett-wat.de.

 

Plattbeats Startschööt

 

"Groth"en Optakt in Kiel

 

För "Platt twüschen Punk un Poetry" hebbt sik junge Künstler ut verscheden Genres mit Klaus Groth beschäftigt - direkt un indirekt.


Popmusik, Ledermaker-Jazz un Rap höört jüst so to't Programm as Slam-Texten un klassisch Gedichten.


Düsse Veranstalten is togliek ok de offizielle Startschööt vun Plattbeats - de plattdüütsche Songcontest 2019/20.

Bild HP Landesfachtag 2019 10 25 Veel is totiets  to lesen, hören un sehn vun Klaus Groth, de vunjohr 200 Johr old worrn weer. He hett mit sien plattdüütsche Wark unse Regionalspraak in de literarische Welt groot maakt. Ok op den Landesfachdag Nedderdüütsch speelt de Dichter en wichtige Rull, man nich alleen he. In verscheden Fachvördrääg un Workshops könen sik de Deelnehmers an den 25. Oktober 2019 in Kiel ut en rieke Anbott an Weten un praktische Bispelen bedenen un Anregen för dat Vermitteln vun unse plattdüütsche Spraak insammeln. 

Mehr to weten un wo een sik anmellen kann finnt sik hier.

 sprachentag2019 bobbycar

 

"Snack mehr (Spraken) mit mi!" - Sprakenveelfalt un fröhe Lehren vun mehr as een Spraak 

 

Ünner düt Thema finnt de zentrale Veranstalten vun de plattdüütsche Sprekergrupp an'n 27. September 2019 vun Klock negen bet fief (9:00 – 17:00) bi uns in Leck statt.

De Europarat hett düssen Akschoonsdag opleggt, um Lüüd den Wert vun dat Lehren vun Spraken düütlich to maken. De Dag schall dorto Anstööt geven, dat mehr Spraken lehrt warrt un dat Lehren föddert warrt. Vunjohr richtet de plattdüütsche Veranstalten dat Oog op de Lütten, de dat besunners licht hebben mehr Spraken miteens to lehren.