In de Vörstandswahl an ‘n 28. September 2019 sünd fief Vörstandsmitglieder in ehr Funkschonen wedderwählt worrn. De vörigen Wahlen weren an ‘n 9. November 2018 un 27. Oktober 2017. De Amtstiet duert jümmers 3 Johr.

 

Sodännig is de Vörstand totiets besett:

 

1. Vörsitter: Truels Hansen, Hollingstedt (wählt bit 2020)
2. Vörsitter: Erich Petersen, Flensborg (wählt bit 2022)
Schriever: Malene Gottburgsen, Niebüll (wählt bit 2021)
Kasserer: Okke Peters, Tetenbüll (wählt bit 2021)
Bisitter: Peter Schuchardt, Bredstedt (wählt bit 2021)
  Susanne Dircks, Schobüll (wählt bit 2021)
  Jochen Plähn, Silberstedt (wählt bit 2020)
  Karen Hansen, Horstedt (wählt bit 2022)
 

Hans-Otto Bartsch,

Schnarup-Thumby

(wählt bit 2022)
  Matthias Dethlefsen, Högel (wählt bit 2022)
  Steffen Ketelsen, Löwenstedt (wählt bit 2022)

Platt hört to unse Land! 

Dormit dat so blifft, wüllt wi wat doon för Platt.

 

Mitglied werden 02 

 

Help uns dorbi,

Wer sünd wi  -  wat maken wi?

  • Wi sünd en indragen Vereen ünner dat Leit vun Truels Hansen un Erich Petersen mit üm un bi 240 Liddmaten un en starke Vörstand.
  • Wi arbeiden för dat Plattdüütsch-Zentrum un hölpen bi all sien Opgaven mit Ideen un ok mit Geld.
  • Wi warven um Sponsoren un Liddmaten för unse Vereen, dormit wi noch mehr för dat  Plattdüütsch-Zentrum doon köönt.
  • Wi stütten de plattdüütsche Spraak as en Deel vun unse norddüütsche Kultur.
  • Eenmal int Johr drapen wi uns to en Liddmatenversammlung. Dor warrt över de Arbeit Bericht afgeven un jedereen kann wat bidregen.

 

De Landesverfaten Schleswig-Holsteen vun 2014 seggt in Artikel 13, Abs. 2: "Das Land schützt und fördert die Pflege der niederdeutschen Sprache."

 

Disse Landesstatut is de Grundlaag för unse Vereen un unse Arbeit för dat Plattdüütsche. Un in de Satzung vun de Fördervereen hebben wi in § 2 unse Opgaav fastleggt. 

 

De Satzung is op en Extra-Siet und kann do as PDF-Dokument anklickt warrn  >>> Statut (PDF-Datei)

 

In unse enige Europa is dat nödig, dat de Minsch sien Heimatspraak bibehöllt. Sunst ward he kopplos un kriggt dat Bävern för so en grote Europa, wo he sik nich wedderfinnen deit.

 

Dat weten de Politiker ok un dorför hett de Europarat an'n 05.11.1992 de "Europäische Charta der Regional- oder Minderheitensprachen" beslaten. Se schall uns helpen, unse plattdüütsche Spraak un Kultur to erholen.

 

Dat Land Schleswig-Holsteen hett dorum an'n 20.03.1998 de plattdüütsche Spraak in de Landesverfaaten opnahmen; siet de 02.12.2014 steiht in Artikel 13 Abs. 2: "Das Land schützt und fördert die Pflege der niederdeutschen Sprache."

 

All in 1993 hett dat Land twee "Zentren für Niederdeutsch", also Plattdüütsch-Zentren, inrichtet; een in Ratzeborg för de Landesdeel Holsteen un een för unse Landesdeel Schleswig in Leck.

 

Wi as Fördervereen helpen in Leck bi de Arbeit mit Ideen un mit Geld. Dorüm beden wi jem/Se/ju, leve Lüüd, warrt Liddmaten in de Fördervereen. Dat kost för en enkelte Minsch 31,-- € in't Johr. För en Kreis, Amt oder Gemeen kost dat 52,-- €, dat kann aver ok wat mehr sien.

 

Un dat schall mokt warn:

  • Unse plattdüütsche Spraak un Kultur in Vereene, Theoter un Literatur schall pleegt warn.
  • In Kinnergoorns un Schooln schall ok Plattdüütsch lehrt un levt warrn.
  • In de Lehrerutbildung mut an Hochschoolen ok Plattdüütsch anboden warn.
  • In de Medien (Fernsehn, Radio, Bläder) mut mehr Plattdüütsch to sehn, to hören un to lesen sien.
  • In Ämter un bi annere Behörden un Institutionen schall en ok Plattdüütsch snacken köön.
  • Wi wüllt de Lüüd verkloren, dat se en Stück Heimat un sik sülben opgeven, wenn se de plattdüütsche Spraak eenfach vergeten doot.

 

Hier findt Se/Jem unse Statut as PDF to 'n Download:

 

Statut
(Stand: 06.09.2013)


De "Satzung" is in 'e hochdüütsche Spraak besloten wurrn un de Inholt vun de "Satzung" is blots in disse Faten en Text, an de wi juristisch bunnen sünd.


De in 't Plattdüütsche överdragene Version gifft as Statut de Inholt vun de "Satzung" richtig wedder,  se is aver nich rechtsverbindlich.